मैले कान्छा दाईको चिया पसल छेउछाउका सबैलाई सोधे। तर कसैले भन्न सकेनन् कान्छा दाई कहाँ गए भनेर। कसैलाई कान्छा दाई कहाँ बस्छन् भन्ने पनि थाहा रहेनछ। कान्छा दाई को घर पत्ता नलागेपछि दिक्क मान्दै भृकुटि चौक कै एउटा चिया पसलमा बसेर चिया चुरोट खान थाले। केहि बेरमा घरधनी आएर पसले संग भाडा माग्न थाल्यो। मलाई ठुलै संकेत प्राप्त भयो अनि हतारिएर खाँदै गरेको चिया छोडेर चुरोट तान्दै कान्छा दाईको पसल तिर लागे। माथिल्लो तला चढे। त्यहाँको घरबेटी बाट थाहाँ भयो कि कान्छा दाईको बसाई मिलन चौकको थारु बस्तीमा रहेछ।
मिलन चौक पुगेपछि पनि धेरैलाई सोधेपछि मात्र थाहा भयो कान्छा दाई को घर। चौक बाट २०० मिटर उत्तर लागेपछि एक जनाले पुर्व तिर टिनले छाएको सानो दुई कोठे घर देखाइदिए। घर नजिकै पुगे केहि मानिसहरू बाहिर पट्टी सुकुलमा बसेका थिए। नयाँ मान्छे देखेर होला सबैले छक्क परे जस्तो गरि हेरे।
ति छक्क परेका अनुहार शुन्य भए। कोहि केहि बोलेनन्। एक जना बुढि आमाले आँसु खसाल्दै भन्नुभयो,"कन्छो त मोरिगेलु बउ ।"
अप्रिय घटना घट्यो कि बा भन्ने थियो त्यहिँ भएछ। हरेक दिन बिहान मुस्कुराउदै मलाई चिया दिने कान्छा दाई सम्झेर मलाई निकै दुःख लाग्यो। त्यस्तो हसिलो मान्छेलाई एक्कासी कसरी यस्तो भयो होला ?, कसैलाई सोध्न मन लाग्यो। तर त्यहाँ भएका नौला मान्छे संग मलाई गहिरिएर गफ गर्न मन भएन।
म ढोका सम्म पुगेर भित्र हेरे। मैले ३० औं वसन्त पार गरिसक्दा पनि यस्तो दृश्य देखेको थिइन। यो मेरो लागि बिलकुलै अनौठो थियो। मैले समचार चाहिँ सुनेको थिए छोरी मान्छे बाबुआमाको किरिया बसेको भनेर तर प्रत्यक्ष भने पहिलोपल्ट देख्दै थिए।
उनले कपाल समेत खौरिएर टाउकामा सेतो टालो हालेकी छिन्। शरिरमा सेतो कपडा बेरेर घ्यू रङको खास्टो ओढेको छिन्। उनको अनुहारको चमक हराएको छ। माघ फागुनको हावाले पात झारेर उजाडिएको रुख जस्तो भएकि छिन्। पितृसतात्मक सोच बोकेको समाजलाई ठाडो चुनौती दिदै आज एउटी "छोरी मान्छे" बुबाको किरियामा बसेकी छिन्।
चिया पसलमा भेट्दा खुलेर बोल्न नसक्ने म झन् यस्तो अवस्थामा कसरी के भनेर कुरा गर्ने खै, मेरो बोली नै फुटेन। म ढोका छेउमा नबोली बसिरहे। मलाई देखेर उनलाई केहि आश्चर्य लागेको थिएन। लाग्थ्यो उनी केहि महसुस नै गर्न सक्दिनन्। म उनलाई निहालेर हेर्छु। उनको सुन्दरतामा भने रत्तिभर नि कमी आएको थिएन। कमी थियो त केबल उनको मुस्कानको जसले उनको सुन्दरतामा छुट्टै उर्जा थहपिदिन्थ्यो।
क्रमशः
1 Comments
herzamanindir.com - harrah's raffle tickets
ReplyDeleteharrah's raffle tickets harrah's 토토커뮤니티 raffle tickets 실시간 바카라 사이트 harrah's raffle tickets harrah's หาเงินออนไลน์ raffle 바카라 tickets harrah's raffle tickets harrah's raffle tickets harrah's raffle tickets harrah Rating: 3.9 jancasino.com · 22 votes